Annie Mist verður ekki íþróttamaður ársins

Margir fagna nú og gleðjast með Annie Mist Þórisdóttur, heims-og Evrópumeistara í crossfit, sem reyndar má kalla fjölhreysti á íslensku. Ég er þar á meðal og tek heils hugar undir með þeim sem vilja að hún verði kjörin íþróttamaður ársins. Heimsmeistari og Evrópumeistari í sinni íþróttagrein ætti raunar að eiga þennan titil svo vísan að ekki þyrfti að kjósa. En málið er ekki svona einfalt.

Ég gerði nánar grein fyrir ástæðunum á íþróttabloggi mínu og vísa hér með á það.  Ég vona sannarlega að ég hafi rangt fyrir mér og að hún taki við eldhúskollinum (gælunafn á verðlaunagripnum sem íþróttamaður ársins fær) eftir áramót eins og sæmandi er.  En sagan og kerfið eru á öðru máli.