Níðvísur í tilefni dagsins

Meðan aðrir hlaupa apríl yrkir ritstjórn Málbeinsins níðvísur um fólk. Ef álagið verður mikið, skiptir ritstjórn með sér verkum. Mitt markmið er að forðast ákæru fyrir meiðyrði. Már Högnason fær útrás fyrir skepnuskapinn í sér og dr. Rigor Mortis, sem er staddur hér vegna páskanna, leggur sitt af mörkum, þrátt fyrir stífa dagskrá.

Lára Hanna, samfélagsrýnir og baráttukona fær þá fyrstu.
Vill sig tjá um vandamál
varla lausnr hefur
því Lára hefur ljóta sál
og lítið af sér gefur.

Kristín Jónsdóttir, Parísardama og sjóbaðaunnandi, fær tvær, því hún er svo lítil ; )
Kristín litla kom að vík
í köldum sjónum fór í bað
upp úr kom sem liðið lík
lá í potti eftir það.

áköf lærir ýmislegt
einkum til að sýna lit
því kvenfólkið er tæpt og tregt
og talar þó að skorti vit

Þorbjörn Rúnarsson, símavinur og skólameistari:
Sínum klúðrar svörunum
sífellt rýfur friðinn
er tenórvælið ómar um
Austurland og miðin.

Beta baun, mannvinur og skokkari.
Um Laugardalinn leggur daun
-af lýsi vot er spjörin
þarna hlunkast Beta baun
og bræðir af sér mörinn.

Harpa B, fimleikamær og nemönd:
Í skóla aldrei edrú var
elti graða pilta
Hirt af löggu hér og þar
Harpa ofurspillta.

Lengi tekur sjórinn við. Athugasemdakerfið tekur við óskum.