Leiðbeiningar um dýraníð

Mogginn vill gjarna vera bestur og fyrstur með fréttir og allt slíkt en gengur afar klaufalega að auglýsa það án þess að alþýða manna kvefist vegna bjánahrolls. Þetta sanna nýleg dæmi í sjónvarpsauglýsingum Hádegismóalinganna.

Mitt gamla sveitalubbahjarta sló hraðar fyrir framan sjónvarpið um daginn við að sjá bændur standa áhyggjufulla en ráðalausa yfir kú á bási sem átti að vera haldin einhverjum kvilla. Til allrar hamingju fyrir bændurna birtist leikskólakennari í fjósinu, bretti upp ermi og sótti mykjukámuga blokkflautu inn í kúna. Aðspurð kvaðst hún ekki vera dýralæknir en læsi reglulega Moggavefinn. Þetta þótti sveitalubbanum merkilegt.

Ég leitaði í morgun á mbl.is að upplýsingum um það hvernig blokkflauta gæti ratað inn í afturenda belju, en fann ekkert. Bak við þessa auglýsingu er greinilega skuggaleg forsaga dýraníðs og misnotkunar í fjósinu og með leitarorðum eins og bestiality og animalism gæti ég sjálfsagt fundið þennan fróðleik sem Moggamenn stæra sig af og vilja greinilega koma á framfæri í blaði sem einu sinni var allra landsmanna.

Auglýsingar

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s