In memoriam

Nú er Lúkas fallinn frá
ferill hans var ansi stuttur
þó tárin falli tösku á
og tilveran sé nokkuð grá,
enn er Lúkas okkur hjá.
Ekki dáinn – bara fluttur.

Auglýsingar

9 athugasemdir við “In memoriam

  1. Tárin flæða, titrar vör
    tappa dreg úr flösku.
    Lúkas hefur lokið för
    lagður er í tösku.

  2. Ég kveiki á kertum mínum
    við hvuttans helga tré
    með þessum litlu línum
    læt ég náð í té.
    Áður olli hita
    örgum nets í leik
    sem eins og allir vita
    var aðallega feik.

  3. Ertu þá farinn – já, endanlega?
    Öldugangi lífs fær enginn breytt.
    Hvutti minn sæll, ó hve heitt ég trega.
    (Hvenær og hvar verður kertum fleytt?)

  4. Ég veit, minn ljúfur lifir
    Lúkas er himnum á,
    hann ræður öllu yfir,
    í’ða þarf ekk’að spá,
    sigrarinn dauðans sanni
    svartur úr tösku spratt
    og margur aumur svanni
    á því fór giska flatt.

  5. Lúkas má svo með sanni
    samlíkjast hundi þeim
    er veiddur af vondum manni
    varð svo að kveðja heim
    heygður í Hlíðarfjalli
    Hensontöskunni í
    mörgum er frægð að falli
    forn eru dæmi og ný.

  6. Að leita að hundi er eins og leiðinlegt spil
    mann langar helst til að detta íða og skjótann
    en þó að hann drepist, gerir það ekkert til
    ekki vildi ég eiga hund svona ljótan.

  7. Hvurnig væri tvær síðustu hendingarnar svohljóðandi:
    „enn er Lúkas okkur hjá.
    Ekki dáinn – bara burtu fluttur.“ ?
    Er annars ekki bara viðeigandi að vísa í bókatitla eftir bróður sinn?

  8. Í kjölfar frétta af ótímabæru andláti ferfætlingsins og hinu fræga fjölmiðlapartíi varð þetta til:

    Ósköp nú ég fregnað fæ
    um fallna hetju stutta!
    Lúkas hefur loks sagt „bæ“ –
    látinn kveðjum hvutta.

    Nú harm minn til að hemja býst
    þótt hrylling ei ég breyti:
    Erfidrykkjan verður víst
    í ví-æ-pía teiti.

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s