Ég hef gaman af rímþrautum og þegar Bryndís Oddsdóttir, norðanstúlkan ljúfa, var mærð í rímu á sínum tíma, kom fram að í kádilják sínum hlustaði hún á Álftagerðisbræður og Megas. Það gefur auga leið að hún var á leið til Las Vegas, rímsins vegna og líka vegna þess að þar giftist hún í fyrsta sinn.
Eftir þetta þótti mér einboðið að koma Megasi að í mansöngnum. Ég hef líka trú á því að rímur eigi fullt erindi upp á svið í Las Vegas, helst kveðnar af íturvöxnum dansmeyjum sem fækka fötum eftir því sem líður á rímuna. Fyrir vikið verða langar rímur vinsælar í Vegas og komast færri að en vilja, þar sem kvæðameyjar hefja upp raust sína. Ég sé í þessu útrásarhugmynd.
3. erindi.
Eigum taman stuðla stúf
stjörnu færum Vegas.
Fleygum saman ljóðin ljúf
Lögin ærir Megas.
Málbeinið 