Mér skilst að Ólafur sé búinn að vatíkana sig og ferðin hafi að öllu leyti farið eins og þegar hefur komið fram í rímunni hér fyrir neðan. Hann iðraðist allra synda sinna af heilum hug, lofaði að synja aldrei framar lögum staðfestingar og rækta garðinn sinn með Dorrit, enda fer hún mikinn í matreiðsluþáttum á Stöð 2. RÚV toppar það ekki með Yesmine Olsson. Það er önnur saga.
Mansöngurinn er bráðum fullbúinn og verður þá ríman sett saman eins og hvert annað húsgagn úr IKEA. Í dag er hugað að því yndi sem konur og karlar geta átt ef sá gállinn er á þeim. Lítið er um nýkenningar að þessu sinni og ættu allir að skilja hvað jarla gerður táknar. Ég mæli með Bósa sögu og Herrauðs, vilji fólk rifja upp ljósbláar lýsingar á samskiptum kynjanna.
5. erindi.
Jarla gerður losta ljúf
leikur snilli tæra.
Karla herðir stuttan stúf
steikir milli læra.
Málbeinið 