Tilboð á kristalheilun

Við Már Högnason höfum fengist við margt í hjáfræðum. Orkusteinasala okkar hefur gengið brösulega vegna skilningsleysis markhópa. Hugsanaráðgjöfin gekk prýðilega fyrir kosningar á sínum tíma en aðstoð við skoðanamyndun þótti umdeild. Við höfum sótt um styrk til að smíða hleðslutæki fyrir orkusteinana en hörmum fordóma vísindasamfélagsins í garð frumkvöðlastarfs okkar. Loks má nefna hrukkusteinana sem slétta úr andlitshrukkum á nokkrum vikum ef þeim er beitt rétt. Heilun og reiki hefur alltaf verið virk hjá okkur og fjarheilunin er eiginlega það eina sem gengur vel.

Í morgun fengum við ábendingu um nýtt svið sem við eigum heima á. Þetta er kristalheilun. Hér er dæmi um þjónustu á Stór-Hafnarfjarðarsvæðinu.

„Ég, xxxxxx, er með réttindi sem kristalheilari frá Kristalskóla Íslands árið 19xx. Höfum undanfarna mánuði unnið með fólki sem hefur verið haldið kvíða,ótta,sektarkennd,erfiðleikum úr æsku, osfrv. Ég er einnig miðill,þannig að ýmsar minningar sem e.t.v. hafa gleymst, geta komið í ljós. Við vinnum með kristalla,olíur af mismunandi tegundum og tónum sem magna orku kristallanna.Oft koma einhverjir að handan sem viðkomandi þekkir og geta þá orðið mjög gagnlegar samræður.“

Samkeppni felst í því að bjóða betur. Við getum hæglega séð um fjarkristalheilun. Best er að það fari fram með aðstoð Skype en ef símasamband er gott, getur það dugað. Til þrautavara má ákveða tíma og beita hughrifum. Við erum til í allt.

Auglýsingar

Ein athugasemd við “Tilboð á kristalheilun

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s