Vesturíslensku klámbræðurnir

Ættfræði er lykilinn að íslensku samfélagi. Segðu mér hverra manna þú ert og ég veit allt um þig. Eða nánast allt. Fyrir eftirlætisvefsetrið mitt var þessi ættfræðipistill gerður en lenti þar á milli skips og bryggju. Þar sem ég er nýtinn eins og nunna, get engu hent, er rétt að opna sarpinn.

Í febrúar 2007 var bullandi góðæri. Þá voru svonefndar hvataferðir vinsælar og hingað komu stundum hópar sem fóru í jöklaferðir og drukku vodka í snjóhúsum og átu grillmat. Svo fóru menn út á lífið í Reykjavík og slettu úr klaufum. Allt þetta var eflaust á dagskrá á þingi  klámiðnaðarmannanna sem pöntuðu óðal íslenskra bænda, Hótel Sögu fyrir ráðstefnu sína, í mars þetta ár. Viðskiptablaðið fjallaði um þennan viðburð.

Sagan af þessari kynhvataferð sem aldrei var farin, var aðalumfjöllunarefni fjölmiðla í nokkrar vikur, ásamt því flóði tilfinninga sem hún vakti í hjörtum sumra landsmanna, sem vildu bæta í safn Íslandsvina og hugsanlega kynnast fjarskyldum ættingjum. Íslendingar hafa verið duglegir að sækja Kanada heim í leit að rótum sínum en í þetta sinn lá leiðin í hina áttina og hugsanlega voru einhverjir hér heima farnir að baka fyrir komu sumra þingfulltrúa. Nú er þetta einboðið vegna beins flugs vestur um haf. Því eru kynntir bræður tveir sem eru höbbðingjar heim að sækja.

Netklámsetrið sleazydream.com var meðal þeirra sem kom að undirbúningi ráðstefnunnar. Eigendur þess voru og eru væntanlega enn, Vestur-Íslendingarnir Scott og Grant Hjorleifsson. Þeir eru búsettir í Gimli í Manitoba, á helstu Íslendingaslóðunum vestanhafs. Ítarlegt viðtal við Scott var í viðskiptablaði vestanhafs og má af því ráða að hann sé ekki allra, eflaust eiginleikar sem má rekja til norðlenskra róta hans.

Líkt og fleiri landar okkar hafa bræðurnir komið ár sinni vel fyrir borð og gefur vel í aðra hönd að gera út á losta og langanir. Nokkuð ljóst er að fyrirtæki sem skaffar svona mörgum vinnu, gæti bjargað lasburða sjávarþorpi á Vestfjörðum, til dæmis Flateyri eða Suðureyri, að ógleymdri Súðavík, sem er mér kær. Um það vitna þessar upplýsingar um rekstur Sleazydream.com.

„Tekjur: $10 mil. – $25 mil.

Starfsmenn: 50 – 100

Lýsing á fyrirtækinu: Series Hardcore pictures with true erotic stories. Free hardcore thumbnails and true erotic stories. Illustrated erotic stories themes include casual sex, blowjobs, whores, pussy licking, multiple orgasms, discrete one on one sex, anal sex, and internet adult personals…. Free series hardcore picture sets all with ertoic stories. Themes include couples and groups having erotic public and private sex because they met through a dating serice for adults and swingers.“

Íslensk þýðing á fjölbreyttri þjónustu fyrirtækisins er ekki í boði, ef börn skyldu lesa þetta.  Meðan umræðan geisaði, flettu ættfræðingar handritum sínum og fundu rætur klámbræðranna víða á Íslandi.

Scott og Grant  Hjorleifson eru synir Kenneths Hjorleifson. Faðir Kenneths var Pálmi, sonur Skúla Hjörleifssonar frá Múlasýslu, sem giftist Ósk Pálmadóttur. Langafi Óskar var skáldið Bólu-Hjálmar og þá er komin tenging við stóran ættboga.  Þekktastur íslenskra ættingja þeirra er séra Hjálmar Jónsson, sem kunni fjölmiðlum litlar þakkir fyrir að benda á tengslin við þá bræður þegar þessi saga var upphaflega færð á netið veturinn 2007.

Scott Hjorleifson er á fésbókinni eins og flestir. Einboðið er fyrir ættingja hans að stofna nú til vináttutengsla og bæta fyrir særindin sem höfnunin mikla hefur eflaust skilið eftir í hjarta hans. Uppstillingin á myndinni er kunnugleg, svokölluð Goldfinger-pósa, sem kennd er við samnefndan viðskiptajöfur í Kópavogi. Stúlkurnar eru ekki af íslenskum ættum.

Ein athugasemd við “Vesturíslensku klámbræðurnir

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s