Helen Keller leikurinn!!!

JÆJA, STRÁKAR OG STELPUR, ÞÁ ER KOMIÐ AÐ ÞVÍ!!!!!!!

Allir hafa beðið spenntir með öndina í hálsinum eftir nýjasta Helen Keller leiknum og verða ekki sviknir því nú er nýjasti Helen Keller leikurinn hafinn. Vinningar eru ekki af verri endanum eins og í öll hin skiptin og hafa margir fengið óvæntan glaðning og svo verður einnig í þetta sinn í nýjasta Helen Keller leiknum. Nýjasti Helen Keller leikurinn hefur vakið mikla athygli og farið sem eldur í sinu um netheima og er ekki laust við að finnist brunalykt í bloggheimum út af leiknum, því nýjasti Helen Keller leikurinn er á allra vörum.

Leikreglurnar eru mjög einfaldar. Þú verður að séra þessari færslu, læka, deila, setja innlegg á veggi allra bestu vina þinna og læka innleggið, setja broskall í sérlínu fyrir neðan innleggið, segja frá leiknum við mjólkurkælinn í Krónunni og bjóða pólska afgreiðslumanninum góðan daginn. Ekki má heldur gleyma hjörtunum sem drita verður sem víðast á fésbókarmúrinn og  mun sérstök nefnd nýjasta Helen Keller leiksins sjá um að telja sérin, lækin, hjörtun, broskallana, innleggin hjá vinunum, lækin á innleggin hjá vinunum, broskallana hjá vinunum og hugsanlega verður fulltrúi leiksins staddur í Krónunni, dulbúinn sem þreytulegur heimilisfaðir í leit að ódýru hakki.

þeir sem vilja eiga sérstaklega góða möguleika á vinningi verða að hringja í ömmu og afa og útskýra leikinn fyrir þeim. Ef amma og afi eru ekki á fésbók fást aukastig ef þau fatta út á hvað þetta gengur.  Myndir eru bráðnauðsynlegar með öllum færslum.

Góða skemmtun!

Auglýsingar

Ein athugasemd við “Helen Keller leikurinn!!!

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s