Tilboð á fjarheilun

Áhugi minn á hjáfræðum er þekktur. Ég hef lengi dundað mér við hugsanaráðgjöf, sölu orkusteina, álfa-og dvergarýni og í fyrra bauð ég völdum vinum mínum fjarheilun á ýmsum kvillum, aðallega kvefi. Af hugsjónaástæðum rukkaði ég ekki eins marga þúsundkalla og þeir sem hafa hjáfræði að lifibrauði og treysta á trúgirni alþýðunnar.  Ég hef lengi ætlað mér að læra meira í heilun húsdýra því kötturinn hérna slefar svolítið á kvöldin og þykir voteygari en góðu hófi gegnir. Mér finnst ástæðulaust að fara með hann til dýralæknis ef hægt er leysa vandann heima í túninu. Fjarheilun húsdýra væri besti kosturinn því hann er mikið úti og erfitt að ná honum ef hann heldur að eitthvað eigi að gera við sig.

Ég var því ánægður með þessa hvatningu Moggans í morgun og kynnti mér snimmhendis vefsíðu heilunarskólans. Gaman verður að kynna sér stíflulosun vegna áfalla úr fyrri tilvistum því ég hef grun um að það tengist kvefinu. Ræstikerfi líkamans er einnig heillandi viðfangsefni fyrir áhugamann um svita og hægðir.

Það eina sem vantar í þennan pakka er árumyndataka. Hér í Hafnarfirði var starfandi slík ljósmyndastofa og bauð einnig upp á endurholdgunarþjónustu.  Af einhverjum ástæðum virðist hún hafa lagt upp laupana.

Að þessu sögðu er einboðið að minna á sértilboð mitt á fjarheilun á kvefi og sambærilegum búkkvillum.

Auglýsingar

3 athugasemdir við “Tilboð á fjarheilun

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s