Konukvöld í framhaldsskóla


Þetta er myndband frá konukvöldi í VMA, Verkmenntaskóla Akureyrar. Það bætist í skrautlegt safn skemmtiatriða og uppátækja unga fólksins. Þarna afklæðast ungir menn til að skemmta konunni sem kvöldið er helgað. (Þetta er annars orðhengilsháttur því eflaust hafa verið þarna fleiri en ein kona.). Eftir 3:40 mínútur á myndbandinu hefst afklæðing fyrir alvöru.

Til samanburðar er myndband frá álíka kvöldi fyrir 3 árum. Þar er einnig fækkað fötum en ljósanotkun er einbeittari.


Ég geri engan greinarmun á svona myndböndum eftir kynjum. Þetta er ámóta hallærislegt, kjánalegt, niðurlægjandi og hugmyndasnautt, hvort sem á sviðinu er kvenlíkami eða karllíkami. Þetta er jafnmikil fávitavæðing fyrir því.

Auglýsingar

37 athugasemdir við “Konukvöld í framhaldsskóla

  1. Í guðanna bænum dragðu hausinn útúr rassinum á þér. Þetta eru unglingar að skemmta sér eins og á þessum aldri tíðkast. Mætti búast við meiru væru þau eldri.
    Svona greinar finnast mér hallærislegar og barnslegar og ef ég a að segja alveg satt , vandræðalegt kall á athygli af þinni hálfu

  2. Jesús minn almáttugur! Þarf að gera mál útaf ÖLLU?? Það styttist í að konu og karlakvöld VMA muni breytast í Biblíuhittinga og prjónakvöld þar sem allir ætla uppá svið að „skemmta“ munu þurfa að vera í kuldagöllum! Konukvöldin hafa verið svona í VMA í mörg ár, strákarnir hafa fækkað fötum og hvað með það?? Ég meina, við förum t.d í sund og þar eru bæði karlar og konur fáklæddar.. á að fara að skrifa fréttir og setja út á það líka? Leyfið framhaldsskólanemendum að skemmta sér án þess að setja út á allt. Takk fyrir pent!

  3. Já , alveg sammála þér, þetta er „hallærislegt, kjánalegt, niðurlægjandi og hugmyndasnautt“……..fyrir þig að vera gera mál úr þessu.

  4. Best að taka það fram áður en fleiri mannvitsbrekkur tjá sig hér, að í þessari færslu felst engin beiðni um boð eða bann, engin krafa um afskipti eða inngrip. Þetta er lýsing á atburðum. Ég hef þessa skoðun á þeim. Öðrum finnst þetta allt í lagi.

  5. Þegar fólk eins og þú hefur tíma til að væla yfir einhverju svona þá ætti það að fara endurskoða sitt eigið líf, skráðu þig á námskeið eða eitthvað ef þú hefur svona lítið að gera vinur 😉

      • hvað með er prjónanámskeið ?… og hættu nú að láta eins og þessi fávitaskapur sér nýr….. reyndu frekar að nota þessa blessuðu sína þína eitthvað ganglegt og gagnrýna hlutti sem skipta smafélagið virkilega máli?
        hálf barnalegt að leggjast á svona málefni jafn vel lærður og þú ert samkvæmt síðuni þinni …

  6. Ég veit það eitt að dóttir mín sem er nemandi í VMA, er nú á þriðja ári, hefur aldrei haft nokkurn áhuga á að sækja þessi konukvöld. Henni finnst „skemmti“atriðin sem boðið er upp á hálfvitaleg (hennar orð). Kannski er þetta innræting okkar hjóna, en það er þá bara vel að mínu mati.

    Mér finnst nú líka alltaf bera meira á svona tilburðum þegar nemendafélagsstjórnin er meira og minna karlkyns, sem hún því miður er oftast.

    Þær eru ýmsar gloríurnar sem komið hafa upp hér í gegnum árin, verst var þó þegar útskriftarnemar í vélstjórn voru með auglýsingar frá Goldfinger í blaði sínu, og rekstraraðili þess staðar var helsti styrkaraðili útgáfu þess eintaks. Það blað var komið í dreifingu áður en þetta uppgötvaðist, því miður.

  7. Elska þegar eineltishraðalanir Dv.is og Smug-an.is fara að leggja óharnaðan ungling í einelti fyrir að leggja hóp af stelpum í einelti.

    …bíddu… var ekki skilgreiningin á „ein“elti að margir séu að elta einnhvern „einn“ – en ekki öfugt.

    Eins og við vitum þá á refsins í siðuðum samfélögum aldrei að vera úr hlutfalli við glæpinn

    „og það segir sig sjálft að einhver sem gerir strákapör í skólamóti á það fyllilega skilið að vera settur fyrir alþjóð í þann nútíma gabastokk sem DV.is og Smug-an eru“

    Og síðan biðst strákurinn afsökunar á sínum strákapörum og þá koma tonn af kverúlöntum (Ásamt konung kverúlantana, í beinan ætlegg; Guðmund Andra, með allt sitt smugness) og fara að tengja hegðun hanns við einhverskonar vá sem á víst að vera allt um koll að keyra í samfélaginu.

    Drengurinn er ígildi nornar í þeirra augum. Forboði um það slippery slope sem samfélagið stefnir í (og surprise, surprise að fábjánar noti slippery slope rökvilluna)

    Viðbrögð Smugunar og DV.is er margfalld ógeðslegari heldur en nokkuð af þeim kjánaskap sem þessi strákur lét útúr sér.

  8. Í tilefni dagsins hef ég ákveðið að svara athugasemdum í samræmi við efni þeirra og innihald, nema viðkomandi athugasemd sé svo vel orðuð að hún geti lifað sjálfstæðu lífi. Það er að vísu ekki algengt samkvæmt þeirri umræðuhefð að betra sé að fara í manninn en boltann.

    • Elska þegar maður sem byrtir myndband af fólki og kallar þá fávita af heilagri vandlætingu – kvartar svo yfir því að fólk sé að fara í „manninn en ekki boltann“

      Gætirðu verið meira smug?

      • Þyki einhverjum ósanngjarnt að tala um fávitavæðingu má sá hinn sami rökstyðja það.
        Annars skil ég ekki enskuskotið málfar nema mjög takmarkað.

      • Að það þurfi að útskýra fyrir fullorðnum manni skilgreininguna á hræsni?

        „að ætlast af öðrum það sem þú leyfir þér“

        Engin þörf á frekari rökstuðningi

  9. Þú talar um fávitavæðingu. Hvort eru það strákarnir, stelpurnar eða bara allir sem eru fávitar í þessu tilfelli?

  10. Þvílíkt að búa til mál úr öllu, það er eins og það megi ekki minnast á kynfæri. Sem betur fer er ungafólkið í dag ekki feimið eins eldra fólki og augljóslega feministar að væla og grenja yfir svona er bara heimskulegt og hvað þá að setja það blöðin í sýnir bara enþá meiri
    heimsku einstaklingsins

  11. Ég kann vel að meta athugasemdir lesenda, þótt ekki kunni allir gott að meta. Mér sýnist þó umræðuhalinn kominn á það stig að við hann er engu að bæta af minni hálfu. Ég virði rétt annarra til að tjá skoðanir sínar en þarf ekki að virða skoðanirnar sem slíkar. Nú er líka kominn nýr dagur og annar stormur í tebolla. Lifið heil.

  12. Við erum bara ung einu sinni, þú hefur eflaust farið á karlakvöld þegar þú varst ungur, eða hvað?

  13. En án reynslu, hvernig getur þú sett þig í spor ungra einstaklinga á framhaldsskólaldri? Og dæmt þá án þess að hafa sjálfur upplifað þetta?

    • Þeir atburðir hafa nú gerst að ég hef hafið jákvæðniátak og sé núna að þetta er alrangt hjá mér. Mun ég án efa lofa og prísa þetta framtak VMA á næstunni og finna því ekkert til foráttu, enda eru framhaldsskólanemar almennt mærðir fyrir frumleika og róttækni eins og ungt fólk er iðulega.

  14. Hugsanlega misskil ég hvað þú átt við þegar þú kallar fatafækkun fávitavæðingu. Ertu að ásaka þá sem fækka fötum um að vera fávitar, þá sem horfa á, báða aðila eða hvorugan? Mér þætti líka vænt um að fá frekari rök fyrir skoðun þinni að það að fækka fötum sé hallærislegt, kjánalegt, niðurlægjandi og hugmyndasnautt.

    • Eins og fram hefur komið hér annars staðar í ummælum hef ég hafið jákvæðniátak og sé núna að þessi skemmtun og allt henni tengt er til stakrar fyrirmyndar og öllum viðstöddum til sóma. Mættu fleiri framhaldsskólar taka VMA sér til fyrirmyndar. Ég hef ekkert nema jákvætt að segja um þetta núna og mun fylgja þeirri skoðun minni eftir á opinberum vettvangi.

      • Ég kann ekki vel við það að heiðarlegri spurningu sé svarað með kaldhæðni. Ef þig langar ekki til að ræða þetta mál nánar, vildi ég frekar að þú segðir það beint út. Ef þér er í raun alvara, þá vil ég fá að vita hvað varð til þess að þú skiptir svona skyndilega um skoðun?

      • Fyrst og fremst hef ég séð ljósið. Það er rangt af mér að óskapast svona út í uppátæki ungs fólks á Akureyri og víðar. Fólk verður að fá að þroskast, reka sig á, læra af mistökum, sem raunar á ekki við í þessu tilfelli, því mér sýnist blasa við að kynslóðin sem við tekur, er í góðum málum.

  15. Takk Gísli fyrir að benda á þetta. Annars finnst mér athyglisverðar athugasemdir hér, sem virðast miðast við það eitt að benda þér á hrottaskap þinn við að beina athyglinni að þroskaleikjum ungviðisins, án nokkurar athugasemda við þá „þroskaleiki“.

    Það er undarlegt hvert athyglin beinist og hversu ókvæða fólk bregst við, sérstaklega í ljósi þess að hér er eingöngu um „saklausa skemmtun“ að ræða.

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s