Konukvöld í framhaldsskóla-2

Ég hef fengið frekar bágt fyrir birtingar á þessum myndböndum og meinta neikvæðni mína í garð mér yngra fólks. Úr því verður nú bætt með markvissu jákvæðniátaki sem mun standa í eina viku. Ef vel viðrar held ég út til jóla. Aðalatriðið er að leita uppi það góða, skemmtilega, sniðuga og ánægjulega í samfélaginu, lofa það og prísa og hvetja fólk til dáða. Í anda þess eru þessi myndbönd endurbirt. Hér er á ferðinni tær schnilld.


Þetta er myndband frá konukvöldi í VMA, Verkmenntaskóla Akureyrar. Það bætist í skrautlegt safn skemmtiatriða og uppátækja unga fólksins. Þarna afklæðast ungir menn til að skemmta konunni sem kvöldið er helgað. (Þetta er annars orðhengilsháttur því eflaust hafa verið þarna fleiri en ein kona.). Eftir 3:40 mínútur á myndbandinu hefst afklæðing fyrir alvöru. Popp og kók er tilvalið. Mannslíkaminn er fagur, einkum í kjörþyngd.

Til samanburðar er myndband frá álíka kvöldi fyrir 3 árum. Þar er einnig fækkað fötum en ljósanotkun er einbeittari.


Eitt af því sem skapar skóla festu og sess í samfélaginu eru hefðir. Þessi kynjuðu kvöld hafa lengi verið í þróun í þessum tiltekna skóla og sýna glöggt hugmyndaauð og frumleika unga fólksins. Á fyrstu framhaldsskólaskemmtuninni sem ég man eftir, var lesið upp úr ævisögu séra Árna Þórarinssonar, farið með gamanmál og ljóð.  Svo var stiginn dans. Ekki sást vín á nokkrum manni og ég var kominn heim fyrir miðnætti.

Ég sé það núna að þetta skemmtanaform leysir mörg vandamál. Undirbúningur er í lágmarki, aðeins þarf slatta af áfengi, hálfnaktar gengilbeinur af báðum kynjum til að bera fram (ekkert ójafnrétti hér!), reykvél á sviðið, tónlist og sjálfboðaliða til að fækka fötum. Nauðsynlegt er að taka nóg af djörfum myndum til að auglýsa næsta kvöld, enda á tepruskapur að tilheyra liðinni öld. Nú eru nýir tímar.  Allt hjal um klámvæðingu og fávitavæðingu er út í hött og stafar án efa af illum hvötum og öfund viðkomandi. Við eigum að fagna framtíðinni með næstu kynslóðum. Samkvæmt vitnisburðum að norðan fara allir sælir og glaðir heim. Þar með er tilgangnum náð.

Auglýsingar

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s