Rakarastofan við Sædýrasafnið

Snapshot_20110828_1 Veitingamaður í Reykjavík vill gjarna opna matsölustað á neðri hæð íbúðarhúss síns. Þetta finnst honum tilvalinn rekstur í íbúðahverfi en nágrannar hans eru á öðru máli. Ég bý ekki í sama hverfi og hann og á ekkert með að hafa skoðun á þessu en vegna áhuga míns á sprotastarfsemi, vil ég gjarna kynna hugmynd mína að grenndarþjónustu. Ég klippi mig nefnilega sjálfur.

Eins og myndin sýnir heppnast slátturinn afar vel. Ég er nógu lánsamur að hafa mjög fallegt og ávalt höfuð sem ég tel hafa mótast með þroska áranna. Sláttuvélin er notuð á 6 vikna bili að meðaltali og þar sem stundum eru eyður í vinnudeginum vil ég gjarna bjóða upp á snoðklippingu fyrir karla og konur (þetta er jafnréttisfyrirtæki) og borga kynin sama verð.

Meðan á rakstri stendur hef ég gamanmál á hraðbergi og get boðið upp á olíunudd á viðkvæma skalla. Fólk sem mér er vel við, fær kaffi og meððí. Aðrir borga uppsett gjald og mega klappa kettinum á leiðinni út. Líkt og veitingamaðurinn, vil ég gjarna rækta sambandið við hann á daglegum grundvelli.

Auðvitað vonast ég til að geta komið út orkusteinum og orkusteinahleðslutækjum í leiðinni og ef þannig stendur á, geta gestir skoðað sýningu í Gallerí Skott. Þar er stundum boðið upp á innsetningu.  Vegna staðsetningar minnar finnst mér ég stundum landfræðilega jaðarsettur. Úr því verður bætt með þessum hætti.

Auglýsingar

Ein athugasemd við “Rakarastofan við Sædýrasafnið

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s