Úngfrú Ísland

UngfruIsland

Úngfrú Ísland er eins og nafnið bendir til, keppni fyrir konur. Samsvarandi keppni fyrir karla gæti heitið Púngfrú Ísland (þetta er útúrdúr og skrifast á athyglisfrest minn). En ég brosti gegnum tárin í gær þegar vitnaðist að nú yrði þessi vinsæla og jákvæða keppni haldin á ný. Ég svaraði kallinu og skráði nokkrar vinkonur mínar til leiks, bæði úngfrúr og púngfrúr. Þau eiga von á símtali.

Á sínum tíma las ég bókina „Brosað gegnum tárin“ eftir Sæunni Ólafsdóttur, spjaldanna á milli og það hefðu sumir ritdómarar sem spöruðu ekki þusið, reyndar átt að gera í stað þess að láta sér nægja að horfa á kápuna og fussa eða frussa, eftir því hvað grunnt var á neikvæðninni.  Ég birti fegurðarmola dagsins á Fésbókinni í nokkurn tíma og tel einboðið að rifja þá upp við þetta tækifæri.

Vitnisburður keppanda fyrir 1990: „Við gegnum sem sagt fram og til baka, hlið við hlið, horfðum á hvor aðra og okkur sjálfar á sunbolum og hælaháum skóm. Sumbolirnir voru límdir með teppalími, svo að þær færðust ekki úr stað. Við lærðum að brosa, með því að smella tungunni upp í góminn og þrysta henni þar, svo að við titruðum ekki í framan á meðan við brostum. Við lærðum að labba mjúklega í annarlegri samsetningu sundbols og 10 cm hæla, brosa án þess að titra öll í framan, svo lærðum við náttulega að sprengja e-vítamínbelga og þekja þeim á andlitið svo að húðin fengi sinn raka. Við lærðum líka að við ættum að vera afskaplega brúnar. Að baða hárið okkar upp úr ediki svo það fengi glansa.
Við lærðum að labba lítil geysuskref í kjólunum, sem einnig vorum límdir á okkur á hinum og þessum stöðum.

Við vorum ekki allar vinkonur, ónei. Barist var um fötin fyrir tískusýninguna. Sumar voru frekari en aðrar, og neituðu að ganga í þeim fötum sem þeim fannst að klæddu sig ekki. Baktalið var einkar frjótt. Sú sem var sigurstranglegust var lögð í þögult/baktalandi einelti, og hún dæmd út frá hverjum einasta hlut sem hún gerði. Við brostumhins vegar fögru brosi til hverrar annarrar og sögðum í viðtölum að við værum perluvinkonur og að þessi keppni færði manni aukið sjálfstraust.

En við hverja er rætt. Þær sem vinna. Hvað með hinar sem vinna ekki neitt, eru ekki nógu „Fallegar“ og frambærilegar samkvæmt dómurunum???
Útlit er eitthvað sem við fæðumst með, við getum náttúrulega gert ýmisslegt til þess að breyta því, og þá reynum við að fylgja því sem markaðurinn segir að sé „fallegt“. Stúlkur sem eru dæmdar út frá því sem þær fæðast með og geta ekki svo auðveldlega breytt, er mannskemmandi, nema kanski fyrir þær sem fá viðurkenningu um að þeirra útlit sé eftirsóknarvert.
Þær sem komast ekki í vinningsæti, eru „Of frekar“, „of litlar“ „of feitar“, hafa einhvern stimpil á sér eins og „drekkur of mikið“, „er lauslát“ osfrv.
Brosað gegnum tárinKanski var þetta bara í þeirri keppni sem ég var í. En í einhver ár á eftir aðstoðaði ég aðrar stelpur, að velja rétt föt, labba rétt, tala rétt og svo videre.

Ef það er eitthvað sem ég skammast mín fyrir og vildi að ég gæti breytt, þá er það þetta. Að vera svo samdauna viðteknu verðgildi konunnar að ég tók þátt í fegurðarsamkeppni og ekki nóg með það, hvatti aðrar til að gera það sama“

Ungfrú Ísland 1997, Harpa Lind Harðardóttir, flúði ásamt 9 öðrum stúlkum frá Úkraínu þar sem Miss World keppnin fór fram, þar sem þær óttuðust stórlega um öryggi sitt. Hún fékk óblíðar móttökur hjá keppnishöldurum hér heima fyrir vikið og tjáði sig um það og fleira í Mannlífsviðtali. Elín Gestsdóttir keppnisstjóri sagði flóttann fyrst og fremst brot á reglum og ástæðulaust að líta jákvætt á það. Nánari lýsing á þessu er í Mbl. greininni:http://www.mbl.is/greinasafn/grein/352491/

Sólveig Lilja Guðmundsdóttir var Ungfrú Ísland 1996. Í viðtali við tímaritið Heimsmynd snerust spurningar aðstoðarritstjórans, Odds Þórissonar, einkum um líkamsvöxt og kynlíf drottningarinnar, hvort hún hefði farið í brjóstastækkun, væri flink að kyssa, hvað æsti hana aðallega, hvort hún færi nærbuxnalaus út að skemmta sér og hvort hún liti á sig sem kyntákn.

Fegurðarsamkeppninni 1963 var frestað til þess að Thelma Ingvarsdóttir gæti verið með. Hún var eini sólbrúni keppandinn og töldu menn að það hefði öðru fremur fært henni titilinn.

Lengi vel fólst undirbúningur stúlknanna einkum í gönguæfingum á háhæluðum skóm. 1987 hafði líkamsrækt bæst við, þol-og öndunaræfingar ásamt nuddi og þriggja sólarhringa föstu fyrir keppnina sjálfa.

Lína Rut Karlsdóttir tók þátt í keppninni Stjarna Hollywood árið 1985 en dró sig út úr henni á síðustu stundu. Í viðtali gaf hún m. a. þessar skýringar: „Oft er talað um að stúlkur fái aukið sjálfstraust með ví að taka þátt í keppni af þessu tagi en það hlýtur að vera byggt á veikum grunni ef það snýst eingöngu um útlitið…. Sjálf tel ég að þátttakan geti aldrei orðið keppendum til framdráttar. Þær stúlkur sem komast áfram eiga það á hættu að bera fegurðardrottningarstimpilinn ævilangt og festast í því hlutverki. Þá eyða þær ævinin í að vera fallegar umbúðir utan um innihald sem þær ná ekki að þroska.“

María Guðmundsdóttir, úngfrú Ísland, 1961, var ákaflega vel mæld af dómnefndinni. 174 cm á hæð, brjóstmál 90, mitti 56, mjaðmir 90, ökkli 21 cm og háls 31. Síðastnefnda talan vekur þá spurningu hvort um sé að ræða hæð eða gildleika hálsins.
Í viðtali við dómnefndarmann kom fram að nefndin hefði skoðað að auki tær, hendur og fætur, háralit, vatteringar í sundbolum og tennur. Þessari nákvæmu skoðun stjórnaði Jón Eiríksson læknir.

Árið 1998 var Díönnu Dúu Helgadóttur vikið úr fegurðarsamkeppni Íslands þar sem hún hafði setið fyrir hjá tímaritinu Playboy. Hún undi því ekki, kærði úrskurðinn til kærunefndar jafnréttismála og benti á að hr. Ísland 1996 hefði setið fyrir á djörfum myndum í B&B. Mótrök keppnishaldara voru að í alþjóðlegum fegurðarkeppnum mættu þátttakendur ekki hafa birst á nektarmyndum. Kærunefnd jafnréttismála úrskurðaði keppnishöldurum í hag en tók fram í lok greinargerðar sinnar: „Þá væri það ekki í anda almennra jafnréttissjónarmiða að kærunefndin leitaðist við að tryggja réttinn til að gera nekt kvenna að söluvöru.“

Brynja X

Ekki ertu neitt svo beinaber
brjóstin visin né fölar kinnar
skoða ég oft á skjánum hér
skínandi fegurð æsku þinnar
utan við gler sem góni á
gullfisk í búri… Móki, skynja
einhverja stærð sem engir sjá
óþekkta stærð sem hylur brynja.

Þórarinn Eldjárn yrkir þetta um Brynju X Vífilsdóttur, ungfrú Reykjavík 1993.

„Núverandi vinsældir Ungfrú Íslands keppninnar má að öllum líkindum rekja til kænlegrar markaðssetningar þar sem þjóðarstolt Íslendinga og minnimáttarkennd gagnvart öðrum voldugri þjóðum hefur verið nýtt til hins ítrasta. Reynt hefur verið að skapa keppninni jákvæða ímynd og setja hana í þjóðræknislega umgjörð sem hugnast Íslendingum.“ Annadís Rúdolfsdóttir, 1991.

Ég spái því að vor þjóðmenningarlegi forsætisráðherra fái að setja kórónuna á drottninguna í ár. Hefjum skráningar tafarlaust. Þetta verður eitthvað…

Auglýsingar

Ein athugasemd við “Úngfrú Ísland

  1. Bakvísun: Útgeislun yfir viðmiðunarmörkum | Knúz - femínískt vefrit

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s