Seytjándi júní í Habbnarfirði

hvaleyrarholtiðAfmælisdagur Jóns Sigurðssonar var ljómandi skemmtilegur fyrir okkur á Stór-Hafnarfjarðarsvæðinu. Ég skoðaði helstu úthverfi Hafnarfjarðar í morgunsárið á hjólhesti mínum og staðfesti að þar var meiri dumbungur en í miðbænum hérna, sem er eftir kínverskri fyrirmynd. Hér stóð til að kalla Thorsplanið  Torg hins hafnfirska friðar en um það urðu svo harðvítugar deilur í bæjarstjórninni að það þótti óráðlegt. Við höfðum frétt af skrúðgöngu einhvers staðar í Áslandshverfinu og fórum því tímanlega af stað til að losna við hænusyndrómið, en það lýsir sér í því að fólk ekur ráðvillt í hringi innan hverfis og tapar áttum. Lokunin varði í 22 mínútur sléttar en á þeim tíma tókst að vekja athygli fjölmiðla á ófremdarástandinu.

Í miðbænum var mikið um að vera. Á tröllstóru sviði á Thorsplaninu stóð örvæntingarfullur kynnir og sagði að næsta skemmtiatriði yrði eftir stundarfjórðung, bauðst til að syngja lag á meðan en nærstödd börn hrópuðu Nei. Þá var farið fram á  handauppréttingu og sáust fjórar á lofti, meintum söngvara til stuðnings. 356 manns greiddu ekki atkvæði.

Í Austurgötunni var útimarkaðsstemmning eins og í fyrra. Þá skein sól og fólk hafði opnað geymslur, bílskúra og fataskápa og dregið fram mikið notað dót sem austurgata 17ætlunin var að þjóðhátíðargestir grömsuðu í og gerðu kjarakaup. Sennilega hefur salan verið dræm í fyrra því ég kannaðist við snjáðar blússur, brækur og hælskakka spariskó á einu borðinu.  Ég reikna fastlega með að sjá þennan varning að ári. Kolaportið er ágætt fyrir sinn hatt, en á seytjánda júní er maður ekki að leita sér að einhverju penu við þjó(ð)búninginn á mjög niðursettu verði.

Við röltum út í gamla hverfið okkar í Vesturbænum með viðkomu í Siggubæ en slepptum Hellisgerði. Þar var boðið upp á álfakaffi og flatbrauð. Held ég, því þannig var það í fyrra og engin ástæða til að breyta því sem vel gengur. Á bakaleiðinni heyrðum við í fjarska að skemmtiatriðið hafði skilað sér á Thorsplanið. Það hefur sennilega verið ágætt. Solla stirða og Íþróttaálfurinn voru væntanleg en við fórum í bakaríið og keyptum sætabrauð með kaffinu.

Heima var allt með kyrrum kjörum, fólk hætt að aka í hringi í hverfinu og helstu samgönguæðar opnar. Hættuástandi eftir lokun var aflýst og í útvarpinu var viðtal við forsætisráðherrann. Við misstum af því.

Auglýsingar

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s