Verðugur mótherji Vigdísar

kamarinnEinu sinni á gönguför kom ég að útikamri sem var frekar hrörlegur og brakaði ákaflega í setunni þegar ég hagræddi mér. Ég treysti því ekki burðarvirkinu, heldur hallaði mér fram og tók mesta þungann af því meðan salörninn breiddi út vængina. Í stað þess að eiga notalega stund í þungum þönkum var sett nýtt met á þessari vegalengd. Engin slys urðu á fólki.

Allt slapp þetta til en einboðið þótti mér að þarna yrði einhvern tíma slys og setja þyrfti þungatakmarkanir fyrir ferðalanga.  En þar sem þessi iðja er stundum kölluð að tefla við páfann og uppáhaldsstjórnmálamaður stórs hluta þjóðarinnar kvaðst í viðtali vera góð í skák, rifjaðist þetta atvik upp. Ég hef hana grunaða um að miða eingöngu við árangur sinn gegn þessum andstæðingi.

Á salernisvegginn krotaði ég þessa vísu.

Eflaust hér einhver hrapaði
sem afturenda sinn skrapaði
Í armæðu og raun
og óhemju daun
tefldi við páfann – en tapaði.

Auglýsingar

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s