Hossum við heimskum gikki?

„Kæra stuðningsfólk Gylfa Ægis takið eftir og deilið þessu“
Það er greinilegt að við höfum náð miklum árangri þetta ár sem hommastríðið hefur staðið yfir. Ég hef mikið verið að spá í Hinsegin daga og að þessar hommagöngur séu gengnar á hverju ári. Ég er farinn að halda að það sé einhverskonar heilaþvottur á börnum sem á sér stað hjá þessu liði. Krökkum finnst þetta mörgum flott og það síast inn í heilabú þeirra að allt sé þetta eðlilegt (“Hvað ungur nemur gamall temur”.) Brot á barnaverndarlögum hefur verið leyft í þessum hommagöngum til fjölda ára af yfirvaldinu, Barnaverndanefnd, og dómsvaldinu. Saksóknari ríkisins er hinsegin og svo má lengi telja.Það er kominn tími til að fleiri en Stuðningsfólk Gylfa Ægis stígi fram á völlinn og láti í sér heyra eða gangi í stuðningshópinn. Ég tel málið mjög alvarlegt! Ég þakka ykkur kæra stuðingsfólk Gylfa Ægis.
Gylfi Ægisson.
Stuðningsfólk Gylfa Ægis“

Þetta opna bréf er á FB-síðu Stuðningsfólks Gylfa Ægis.  703 kunna að meta þetta framtak og baráttu tónlistarmannsins og sumir taka heils hugar undir boðskapinn.

Gylfaginningin 1
Þessi barátta hófst með misskilningi sem illa hefur gengið að leiðrétta. Ein athugasemd konu sem kvaðst hafa heyrt frá ótilgreindum heimildum að sést hefði til reðurlaga sleikibrjóstsykurspinna í Gleðigöngunni eitthvert árið. Þessu trúði Gylfi Ægisson, sem að eigin sögn hefur aldrei séð Gleðigönguna, en hefur samt verið duglegur við að kæra hana og aðstandendur hennar.

Á tímabili var þessi hópur til á FB, útbjó plakat og fór mikinn í nokkrar vikur. Svo leiddist sumum grínið og hættu en aðrir bættu sprekum á bálið.
gylfiægisplakat

Mér var bætt í þennan hóp og nennti í smátíma að ræða þetta sjúddirarirei við söngvaskáldið. Honum líkaði andófið illa og fleygði mér út, líkt og fleirum sem eru honum ekki nógu sammála.
gylfi ægisson svar

Ég hélt í fyrstu að þessir meintu stuðningsmenn Gylfa í „baráttu gegn klámvæðingu“, eins og hann kallaði herferð sína, hefðu gaman af þessari vitleysu og vildu kynda undir meðan brandarinn væri fyndinn. Nú sýnist mér eingöngu alvörufólkið standa með sínum manni.

Fyrirsögn þessarar samantektar er sótt í gamla vísu.

Hossir þú heimskum gikki
hann gengur lagið á
og ótal asnastykki
af honum muntu fá….

Auglýsingar

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s