Hreyfisokkar

Virtur sérfræðingur í heilbrigðismálum sagði einu sinni: „Ef efnið er auglýst í Fréttablaðinu, er það sennilega gagnslaust.“ Á tímabili þráaðist ég við, keypti þriggja mánaða skammta af Liðaktíni, Nútrilenk og SagaPro en fann eingöngu fyrir umtalsverðri lækkun lausafjárstöðu. Heilsubætandi áhrif voru engin. Eftir þetta gerðist ég áhrifavaldur og heilsumarkþjálfi og tel mig hafa slegið í gegn með hreyfisokkunum.

Þetta eru sérsniðnir sokkar til að koma sér í form á stuttum tíma og nægir að klæðast sokkunum síðdegis eftir vinnu eða skóla og vera í þeim fram að kvöldverði og finnur notandinn mikinn mun eftir nokkrar vikur. Nauðsynlegt er að stunda hreyfingu í einhverri mynd meðfram notkun sokkanna og mörgum hefur reynst vel að fara í sokkunum út að hlaupa eða ganga, jafnvel upp á nærliggjandi fjöll ef þannig stendur á skrefi.

Ég hugleiddi um tíma að kaupa umfjöllun í Fréttablaðinu eins og hinir áhrifavaldarnir en tímdi því ekki þótt mér hefðu borist jákvæðar umsagnir notenda sokkanna. Þar ber þessi af:

„Ég hafði lengi hugleitt að gera eitthvað í mínum málum og þá var það vinkona mín sem benti mér á hreyfisokkana. Ég var vantrúuð á þá en lét til leiðast og hef klæðst þeim á hverjum degi í mánuð. Líðanin er miklu betri, blóðþrýstingurinn lægri, allir verkir í liðamótum horfnir og ég get núna farið í langar gönguferðir án þess að vera rúmföst daginn eftir. Einnig get ég núna synt baksund sem ég gat ekki áður. Þetta þakka ég hreyfisokkunum.“Eðvarð Sigurjónsdóttir leigubílstjóri (65 ára)

Um svipað leyti hóf ég sölu á Diet-vatni. Það er án viðbætts sykurs, aukaefna og eiturefna sem vilja hlaðast upp í líkamanum. Diet-vatnið er fersk náttúruafurð sem hentar einkum vel fyrir fólk með ofnæmi, lífsstílsheilkenni og fótsvepp. Það er hitaeiningalaust og er tilvalið fyrir föstukúra og almennt aðhald í neyslu. Diet-vatnið fékks og fæst eingöngu hjá mér og kaupendur verða að koma með eigin ílát. Gott er að drekka lítra á dag en ekki fyrir svefninn því þá þarf hugsanlega að jeta SagaPro til að njóta þess meira að míga um miðjar nætur.

Hvað viltu segja?

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s

This site uses Akismet to reduce spam. Learn how your comment data is processed.